Basa Jawa lan Budaya Jawa
Wong Jawa wektu iki ora mung sing ana ing pulo Jawa. Wong Jawa wis tambah, mrambah lan mratah ana ing endi-endi. Wong Jawa ora bisa pisah karo unsure sejarahe wiwit jaman kuno tekan saiki. Unsur budaya Jawa, yakuwi: basa, sistem teknologi, sistem ekonomi, organisasi sosial, sistem religi, lan seni budaya.
Wong Jawa lan Budaya Jawa wis malebu ing jaman global, amargi saiki wong jawa wis padha pinter-pinter lan sesambungan ing babagan urip kaliyan masyarakat luar jawa, saengga sesambungan kasebat saged nyebaraken budaya jawa. . Ngadhepi kahanan utawa jaman sing maju, sumbangan ing babagan ilmu pengetahuan lan teknologi tumrap manajamen akeh banget. Piranti studi sing rupa analisis wis akeh banget, bab-bab sing ana sambung rakete karo basa lan sastra wis akeh, upamane : aksara Jawa, babad, riwayat, carita gancaran, carita cekak, carita ginurit, saloka, novel, naskah-naskah, primbon, pitutur, suluk, kidungan, tembang lan liya-liyane.
Ana ing basa lan sastra Jawa akeh ngelmu sing bisa disinau, yakuwi : filsafat Jawa, etika Jawa, kebatinan, kejawen, kawaskithan, kalantipan, kajiwan, kanuragan, guna kacantikan, pawukon, petung, palintangan, ramalan, jangka, pralambang, ngelmu arsitektur lan liya-liyane isih akeh banget. Wulangan Jawa sing ana ing Tradisi , adat istiadat, upacara (ritual), pewayangan lan pedhalangan (seni widya, seni ripta, seni sastra, seni pentas), tetembungan utawa ungkapan tradisional lan liya-liyane bisa dadi sumber kanggo njingglengi sumbangan Jawa tumrap manajemen global.
Ana maneh wulangan Jawa sing pas banget menawa dicakake ana pemerintahan yakuwi nilai-nilai sing ana tembung ‘njaga praja’. Konsep njaga praja ora mung nata babagan pemerintahan, njaga katetentreman, gawe undang-undang, tataran njaga kawibawan, lan njaga martabat. Prajane lembaga eksekutif kudu dijaga, prajane legislatif lan yudikatif uga kudu dijaga.
Budaya lan adat istiadat jawa uga bisa ditrapaken ing interaksi kaliyan masyarakat liya. Salah sawijining konsep jawa yaiku ngajeni lan tepo sliro marang wong liyo. Upama kito sampun ngajeni wong liyo, mesti wong liyo kasebat uga ngajeni kito. Konsep tepo sliro yoiku kudu seneng tetulung lan nggadahi sifat welas asih marang sesami. Ing bidang politik, para pemimpin kudu duwe watak adil lan jujur, supaya saged maremaken rakyat.
Amarga samenika sampun katah masyarakat jawa ing daerah-daerah luar jawa, basa jawa dadi tambah populer. Samenika sampun katah wong-wong luar Indonesia ingkang sinau basa jawa. Basa jawa katah ingkang ngremeni, amargi praktekipun basa jawa menika unik, yaiku ana telung werno, yaiku basa jawa ngoko, krama alus, lan krama inggil.
Budaya jawa ingkang sampun kondang yaiku kesenian wayang, tari, reog, jathilan, tembang, lan karawitan. Budaya-budaya kasebat kudu kito jaga lan kito lestarekaken supaya mboten wonten negara liya ingkang ngakoni kabudayaan jawa.
Tidak ada komentar:
Posting Komentar